Top
Tilkynningar

 

EAS Þrekmótaröðin er í samstarfi við Lyfjaeftirlit ÍSÍ

Aðildarstöðvar:

 

Styrktaraðilar:

Samstarfsaðilar:

This form does not yet contain any fields.
    Mótin eiga það sameiginlegt að reyna  á þrek, styrk, þol og snerpu keppenda. Öllum er frjálst að keppa í Þrekmótaröðinni, óháð æfingastöð, íþróttabakgrunni eða reynslu og er því um að ræða jákvæða áskorun sem allir geta tekið þátt í.
     
    Keppt verður í einstaklingskeppni og 5 manna liðakeppni  karla og kvenna í opnum flokki og 39 og eldri. Einnig er keppt í parakeppni þar sem karl og kona keppa saman.  Stig eru gefin fyrir sæti í öllum riðlum og í lok árs fá sigurvegarar hvors kyns svo titilinn „Hraustasti maður og kona Íslands“ . Hraustustu lið og pör ársins fá einnig þennan veglega titil og farandsverðlaun.

     

    CrossFit Leikar
    Umsjón móts: Þrekmótaröðin
    Uppbygging keppninnar er lauslega byggð á hugmyndafræði CrossFit hvað varðar æfingar og hugtök. Keppnin er breytileg milli ára en keppnissvæðið hefur í tveimur tilfellum verið við skíðabrekkuna í Elliðaárdal, eitt skipti í aðstöðu CrossFit Sport í Sporthúsinu (vegna öskumengunar). Uppbygging móts, stigagjöf og æfingar eru breytilegar milli ára.


    5x5 Áskorunin
    Umsjón móts: Stjórn Þrekmótaraðarinnar. www.threkmot.is
    Mótið er byggt upp á annan máta en önnur mót ársins. Það byggist á 5 hólfum með 2-3 æfingum sem skal framkvæma eins oft og hægt er á 4 mínútum. 5x5 Áskorunin var fyrst haldin 2010 og er áætlað að keppnisgreinarnar haldist óbreyttar milli ára.

    Boot cAmp Keppnin

    Umsjón móts: Boot cAmp. www.bootcamp.is
    Fjórða mót ársins verður haldið á Íþróttavellinum í Varmá, Mosfellsbæ, líkt og fyrri ár. Keppnin er breytileg milli ára en byggist þó á æfingakerfi og hugmyndafræði Bootcamp. 

    Æfingakerfi Bootcamp er að miklu leiti byggt upp á æfingum með eigin líkamsþyngd, en þó eru sandpokar, þyngingarvesti, ketilbjöllur, lóð og tæki notuð samhliða.

    Lífsstíls Meistarinn

    Umsjón móts: Lífsstíll - líkamsrækt, Reykjanesbæ. www.lifsstill.net
    Keppnin er með sama sniði á hverju ári og byggist á 10 greinum sem keyrt er í gegnum á sem skemmstum tíma. Hugmyndin að keppnisforminu byggist á æfingum sem hægt er að gera í öllum almennum líkamsræktarstöðvum með tækjasal. Æfingarnar tíu eru; þrekhjól, niðurtog, róður, froskahopp, kassauppstig með þyngd, bekkjarhopp, uppsetur, axlapressur, hlaup á bretti og bekkpressa.